Federata Ndërkombëtare e Automobilizmit (FIA) në bashkëpunim me kompaninë ndërkombëtare “EY Parthenon” kanë realizuar një studim për ndikimin global të motorsportit në ekonomi dhe zhvillimin e komunitetit.
Ky studim thekson rëndësinë e industrisë globale të motorsportit duke vlerësuar kontributin ekonomik, vlerën e shtuar dhe punësimin e kësaj industrie në 145 vende anëtare të FIA-s në vitin 2019. Gjithashtu, vlerëson elementë të tjerë kyçe, si numri i pjesëmarrësve, klubet dhe vendet e organizimit. Studimi është i pari i këtij lloji në nivel global.
Në vazhdim të këtij studimi global, kompania “EY Parthenon” ka bërë një studim për kontributin ekonomik të industrisë së motorsportit në Shqipëri gjatë 2019-ës.
