19 Ekipe nga 18 shtete morën pjesë në Edicionin e 36-të të Konkursit Kombëtar për Sigurinë Rrugore (ETEC 2023) që u zhvillua në Bar të Malit të Zi fundjavën e kaluar. Secili ekip shfaqi aftësitë e tij të shkëlqyera me biçikletë dhe njohuritë e rregullave të qarkullimit rrugor.
Konkursi është krijuar në 1986-ën dhe synon të promovojë përdorim të sigurt të biçikletës tek fëmijët. Biçikleta është një mjet shumë i përdorur i lëvizshmërisë te fëmijët dhe duhet siguruar që ata ta përdorin biçikletën në mënyrë të sigurt duke ndihmuar në uljen e rrezikut të aksidenteve në rrugë.
Shqipëria u përfaqësua nga fëmijët e Shkollës “Ismail Qemali” të Shkodrës që fituan Konkursin Kombëtar Edukativ për Sigurinë Rrugore “Të Sigurt mbi Dy Rrota 2023”. Fëmijët shqiptarë bënë një paraqitje shumë të mirë në këtë konkurs.