Identifikimi i kafshëve të egra në rrugë, ja testet interesante të Klubit të Automobilit të Gjermanisë

0
24

Në një seri provash të kohëve të fundit, Klubi i Automobilit të Gjermanisë (ADAC) ka investiguar nëse sistemet e ndihmës për shoferin mund të parandalojnë aksidentet rrugore me kafshë të egra.

Në këto prova përplasjeje me një derr të egër, ADAC testoi efikasitetin e sistemeve që mundësojnë pamjen natën dhe sistemeve të përparuara të frenimit emergjent (AEBS). Sistemet që mundësojnë pamjen natën, të cilët përdorin sensorë infra të kuq për të identifikuar nxehtësinë që rrezatohet nga këmbësorët ose kafshët, i kanë përmbushur pritshmëritë. Sidoqoftë, këto sisteme zakonisht janë në dispozicion vetëm në automjete ekskluzive ose luksoze dhe shpesh si opsione të kushtueshme. Nga ana tjetër, AEBS së shpejti do të jetë e detyrueshme, por deri më tani janë optimizuar vetëm për identifikimin e automjeteve, këmbësorëve dhe çiklistëve. Në testet e ADAC, dy automjetet e pajisura me AEBS nuk ishin të afta të parandalonin një përplasje, por dërguan paralajmërime dhe aktivizuan frenimin në situata të caktuara.

Sipas mendimit të ADAC, identifikimi i kafshëve të egra duhet të përfshihet në zhvillimin e asistencës së frenimit emergjent. Sidoqoftë, mund të duhet pak kohë derisa sistemet e tilla të ndihmës të integrohen në mënyrë efektive. Deri atëherë, gatishmëria e shoferëve do të jetë faktori kryesor i sigurisë.

Më sipër video e testeve të zhvilluara nga ADAC.

LEAVE A REPLY

Please enter your comment!
Please enter your name here