Pas një prezantimi të suksesshëm për tre vite me radhë, FIA rikthehet me festivalin me famë botërore me ekspozitën për F1 dhe “WRC Hall of Fame”, si edhe me shfaqjen e makinave, të rejat e sigurisë dhe për të kujtuar reliket e kohëve të ndryshme.
Fundjavën e kaluar (4-7 korrik), FIA ishte edhe një herë në zemër të “Festivalit të Shpejtësisë GoodWood” duke i dhënë një mundësi vizitorëve që të zhyten në botën e FIA-s. Ky Festival është bazuar në një ngjitje ikonike në “Goodwood House” në West Sussex në Britaninë e Bashkuar dhe është rritur që nga fillimi i saj më 1993 për tu shndërruar në një festë ndërkombëtare për makinat klasike dhe ato të garave të shpejtësisë nga çdo disiplinë.
Me shfaqjen e saj magjepsëse të mjeteve bashkëkohore dhe historike, një ekran gjigand që ndriçon “FIA Hall of Fame”, plus një sërë zhvillimesh të kaluara dhe aktuale të sigurisë, stenda e FIA-s gjendet pranë “FOS Future Lab” që është e pozicionuar përpara shtëpisë spektakolare “Goodwood”. Përveç shfaqjes së makinave të sigurisë të Formula 1, “Safety Car” dhe “Medical Car”, vizitorët do të zbulojnë detaje të reja që i kanë mbajtur pilotët më të shpejtë në botë të sigurt përgjatë viteve.
Në atë festival u shfaq Ferrari 248 F1 me të cilin garoi shtatë herë kampioni i Botës, Michael Schumacher si edhe WRC Citroën Xsara i drejtuar nga nëntë herë kampioni i botës, Sebastian Loeb dhe Daniel Elena në garën “Rrally” në Monte Karlo në 2003-in.
Vizitorët në shfaqjen e FIA-s shijuan gjithashtu një sërë kujtimesh dhe patën mundësinë që të përdornin simulatorët më të mirë për të provuar “Gran Turismi Sport”, kampionatin e parë online të çertifikuar nga FIA. Gjithashtu, FIA u krijoi mundësinë vizitorëve të shumtë që të siguronin firmat nga pilotët kampionë të disiplinave të ndryshme.