Prezantimi i Revistës AutoClub

Prezantim

AutoClub është revista e vetme në tregun shqiptar në gjuhën shqipe për adhuruesit e autoveturave. AutoClub është një revistë e përdymuajshme që vjen tek ju me një mori informacionesh interesante dhe të vlefshme për të gjitha mjetet motorike.

Revista AutoClub është një forum mediatik i Shoqatës “Automobile Club Albania”, (ACA).

Revista ka për qëllim t’u drejtohet automobilistëve shqiptarë me një botim serioz për nga tematika e trajtuar, të paraqitshëm dhe të këndshëm për çdo lexues por edhe interesant e praktik, ku automobilistët të kenë mundësi të njihen me zhvillimet dhe produktet më të reja të industrisë më të madhe të botës, që vazhdon të zgjerojë perandorinë e saj prej më shumë se një shekulli.

Revista ka një bashkëpunim të vazhdueshëm pothuajse me të gjithë koncesionarët në vend, për t’i dhënë lexuesit një informacion sa më të detajuar në lidhje me modelet më të fundit dhe çmimet e tyre, evidentimin e avantazheve të produkteve e modeleve të reja duke tentuar orientimin e konsumatorit drejt tregut të formalizuar që ofron siguri.

Në revistë ka vend edhe për të pasionuarit, që e shohin automobilin si një vepër të kombinuar arti dhe teknologjie, duke trajtuar në të informacionin më të fundit për modelet e reja të automobilit në botë, modele sportive apo të klasit të lartë, pa harruar edhe automjetet e markave klasike që me historinë dhe modelet e tyre kanë lënë mbresa ndër vite. Nuk do të mungojnë ndonëse të reduktuar as shkrimet për dyrrotëshit, informacion i detajuar në lidhje me modelet më të fundit dhe atyre më të shitur.

Në faqet e saj evidentohen, trajtohen e jepen mendime për problemet që shoqërojnë sot sistemet e transportit dhe drejtuesit e automjeteve në vend.

Revista trajton çështje që lidhen me efektin automobil në ndotjen e mjedisit, nivelin e zhurmës por edhe zgjidhjet e ofruara, sikurse i kushton vëmendje edhe problemeve që lidhen me rrugët dhe sigurinë në to.

Marka AutoClub

Titulli AutoClub është një titull i regjistruar si markë në pronësi të “Automobile Club Albania” (ACA)

Produkti

Revista AutoClub botohet në gjuhën shqipe një herë në dy muaj. Botimi i saj i parë daton në Shtator 2007.

 Formati

(20.5 cm x 26.5 cm)

Comments are closed.